La ricetta del frico con patate

Tante delle nostre magliette traggono ispirazione da une delle pietanze nazionali friulane: il frico. A partire dallo slogan di nostra creazione MAKE FRICO NOT WAR, che ormai è diventato un modo di dire. Visto che arrivano le feste, quindi, vogliamo farvi un regalo. Ecco la ricetta per fare un buon frico, rigorosamente in friulano. Dai, fate un piccolo sforzo che al vâl la pene! Ve ca…

INGREDIENTS (Par doi plens di fam o cuatri cun fam normâl)
400g di patatis farinosis, 200g di formadi di chel di latarie o Montâs (miscliçât, un pôc fresc e un pôc plui vecjo), al so puest si po doprâ un altri formadi di malghe di preference di chei a paste cuete, o meti “lis strissulis” come che e disarès la ricete origjinarie. Un fîl di vueli di ulive extravergine.
PREPARAZION
Speladis lis patatis si lis taie a fetutis finis (plui finis a son e mancul timp staran a cuei). Si fasin rustî te fersorie intun fîl di vueli, cence cjariâ parcè che il formadi al è za gras di so. Doprait une une buine fersorie di chês che no tachin. Cuant che lis patatis a son ben rustidis, si scomence a zontâ aghe taponantlis cuasi dal dut, si va indenant a cuei, messedant di tant in tant e zontant aghe se al covente. Ma se o cueieis biel planc, po stai che l’aghe no coventi. Lis patatis a àn di disfâsi fruçantsi (i volarà une orute).
Infratant si prepare il formadi taiantlu a dadui e cuant che lis patatis a son cuetis lu si zonte a la preparazion. Si messede cuntune sedon di len fintant che nol si disfe e duncje si lasse cjapâ, spacant la fersorie par no lassâlu tacâ sul font.
Daspò un cuart di ore, de bande sot al sarà ben rustît crustulint: si à cumò di voltâlu sot sore (tant che une fertaie), judantsi cuntun plat, miôr se prin al è stât scjaldât parcè che no tachi. Se o sês bulos, però, si pues zirâlu a svuâl, cul famôs colp di pols. Po dopo si va indenant a cuei di chê altre bande par altris dîs minûts simpri spacotant la fersorie.
A chest pont, studâ il fûc, e al è dome di metilu tal plat. Bon apetît!